Ճապոնական Ken Okuyama Design ստուդիան Villa d'Este մրցույթում (Իտալիա) ներկայացրել է  Kode61 Birdcage ռոդսթերը՝ նվիրված անցած դարի 60-ականների մրցարշավային Maserati Tipo 61-ին։ Kode61 Birdcage-ը կարտադրվի սահմանափակ քանակությամբ, շատ ունեւոր հաճախորդների համար։ Այս մասին տեղեկացրել է «Колеса» ամսագիրը։

Նրբագեղության Villa d'Este մրցույթը հանրահայտ Կոմո լճում բավական փակ միջոցառում է։ Քեն Օկույաման համբավ է ձեռք բերել Pininfarina ատելիեում իր աշխատանքով 2004-2006թթ., երբ այն սերտորեն համագործակցում էր Ferrari-ի հետ. ճապոնացի դիզայները Սկուդերիայի համար մի քանի նշանավոր մոդելներ է արել, այդ թվում Ferrari Enzo-ն, իսկ այսօր ղեկավարում է սեփական ստուդիան, որը զբաղվում է ոչ միայն մեքենաներով, այլեւ գնացքներով, զբոսանավերով, գյուղտնտտեխնիկայով, կահույքով, ճարտարապետությամբ, կենցաղային տեխնիկայով, պայուսակներով եւ այլն։

Kode61 Birdcage-ը արտաքնապես ոչնչով չի հիշեցնում պատմական նախատիպին, այլ միայն փոխանցում է նրա ոգին։