Արիզոնայի բնակիչն ու նրա շունը 1000 մարդասպան մեղուների հարձակման զոհ են դարձել, գրում է Daily mail-ը:
60-ամյա Ջոն Ֆիշերը, որը մոտ ութ տարի առաջ վարակի պատճառով կորցրել է մեկ ոտքը, անվասայլակով զբոսնում էր իր շան՝ Պիպինի հետ, երբ մեղուները հարձակվել են նրանց վրա: Փորձելով փախչել միջատներից՝ տղամարդն անվասայլակից ընկել է ասֆալտին։
Մեղուները Ջոնին խայթել են մոտ 250 անգամ, բայց տղամարդը ողջ է մնացել։ Շաբաթվա սկզբին նա դուրս է գրվել հիվանդանոցից։
«Ինձ բազմիցս խայթել են մեղուները, բայց ոչ մի անգամ ավելի քան 10 կամ 15 խայթոց չի եղել»,-հիշում է Ֆիշերը։
