Կրեմլում ուշադիր կհետեւեն Քիշնեւում կայանալիք Եվրոպական քաղաքական համայնքի գագաթաժողովի նորություններին եւ հռետորաբանությանը, որը կգերակշռի այնտեղ։ Այս մասին հայտնել է ՌԴ նախագահի խոսնակ Դմիտրի Պեսկովը, փոխանցում է Ինտերֆաքսը։
«Սա պարոն Մակրոնի հայտնի նախաձեռնությունն է։ Մենք, անշուշտ, կհետեւենք նորություններին եւ հռետորաբանությանը, որը կգերիշխի այնտեղ»,-ասել է նա։
Նա հավելել է, որ դա չի կարելի լիարժեք քաղաքական երկխոսություն անվանել։
«Խոսել ինչ-որ եվրոպական գործընթացների մասին բաժանված Եվրոպայում, Եվրոպայում, որտեղ բացակայում է շատ երկրների երկխոսությունը Ռուսաստանի հետ, իհարկե, կարելի է, բայց դա թերի քաղաքական գործընթաց է Եվրոպայում եւ չի կարող լիարժեք լինել»,-հավելել է Պեսկովը։
