Պատմության մեջ առաջին անգամ ԱՄՆ նախագահ Ջո Բայդենի Կոլորադո-Սփրինգսում գտնվող ՌՕՈՒ ակադեմիա կատարած այցն ուղեկցում էր բացառապես կանանցից բաղկացած թիմը։ Այս մասին հաղորդվում է ԱՄՆ Գաղտնի ծառայության թվիթերյան էջում։

Գերատեսչությունը նաև հրապարակել է ԱՄՆ նախագահին Կոլորադոյում ուղեկցող Գաղտնի ծառայության աշխատակցուհիների լուսանկարը։

Հիշեցնենք, որ այդ այցը ուղեկցվել է նաև միջադեպերով․ ելույթից հետո ԱՄՆ նախագահն ընկել է ամբիոնում՝ սայթաքելով ավազով լի պարկերի վրա, իսկ արդեն Սպիտակ տան տարածքում ուղղաթիռից դուրս գալիս, խփել է գլուխը։