Հանրապետական կուսակցությունից ԱՄՆ նախագահի թեկնածու Նիկի Հեյլին իր հարցազրույցում ենթադրել է, որ համապարփակ անվտանգության ամրապնդման համար ԱՄՆ ուժերը «պետք է միավորվեն» ոչ եվրոպական երկրների հետ, ներառյալ Ռուսաստանը, և այս նկատառումը նրա նախընտրական խումբը վրիպում է բնորոշել, տեղեկացնում է The Associated Press-ը։

Չորեքշաբթի պատասխանելով WMUR-TV հեռուստաալիքիի այն  հարցին, թե աշխարհի որ տարածաշրջաններին ԱՄՆ-ն պետք է ավելի մեծ ուշադրություն դարձնի, Հեյլին նախ անվանել է «արաբական աշխարհը»՝ հայտարարելով, որ ԱՄՆ կարիք ունի, որ արաբական երկրները «կարծես, միավորվեին մեզ հետ՝ Իրանին դիմակայելու համար»։

«Դուք տեսնում եք՝ ինչպես է Սաուդյան Արաբիան գործարքներ կնքում Չինաստանի հետ, սա լավ չէ մեզ համար։ Մեզ պետք է, որ նրանք մեզ հետ լինեն, իսկ հետո պետք է միավորվել այլ երկրների՝ Ռուսաստանի, Ավստրալիայի, Ճապոնիայի, Իսրայելի հետ»,- նշել է Հեյլին։

Շաբաթ օրը Հեյլիի քարոզչական թիմը հայտարարել է, որ թեկնածուն վրիպել է, երբ Ռուսաստանը ներառել է այլ երկրների թվում։

Իր հերթին Հեյլին, որին խնդրել էին մեկնաբանել հիշյալ հարցազրույցը, Ռուսաստանը «թշնամի» է անվանել, իսկ ՌԴ նախագահ Պուտինին՝ «ավազակ»։