Իրանը, Ռուսաստանի, Թուրքմենստանի եւ Կատարի մասնակցությամբ, ձգտում է գազային հանգույց ստեղծել Ասալույե արդյունաբերական շրջանում, որը գտնվում է Պարսից ծոցի ափին, հայտարարել է Իրանի նավթի նախարար Ջավադ Օուջին, հայտնում է ISNA-ն։
«Իսլամական հանրապետությունն, ունենալով 33 տրլն խորանարդ մետր արդյունահանվող գազի պաշար, աշխարհում երկրորդ տեղն է գրավում այդ ռեսուրսի պաշարների թվով։ Մենք ձգտում ենք Ռուսաստանի, Թուրքմենստանի եւ Կատարի աջակցությամբ Պարսից ծոցն ու Ասալույեն գազային հանգույցի վերածել», -ասել է նախարարը։
Նա չի հայտնել նախագծի մանրամասները՝ նշելով միայն, որ կատարվում են անհրաժեշտ նախապատրաստական աշխատանքներ, կազմվում է նախագծի իրականացման ծրագիրը։
