News
Լրահոս
News
Հինգշաբթի
Մարտ 28
Տեսնել լրահոսը


Դիզվառելիքի քրեական գործը քաղաքական նպատակներով է, սա երրորդ նախագահ Սերժ Սարգսյանի դեմ ուղղված գործ է: Այս մասին այսօր՝ հունիսի 8-ին, դատարանի բակում՝ լրագրողների հետ զրույցում ասաց «Ֆլեշ» ընկերության սեփականատեր Բարսեղ Բեգլարյանը:

«Պարզ չի՞, որ սա կարած, նկարած գործ է, փուչիկ է: Երեխեք, լավ էլի, առաջին օրն ասել եմ՝ թատրոն է, ուրեմն թատրոն է: Հազար օղորմի Սերգոյին: Կուզեի կենդանի լիներ, գար, երեսին նայեի, ասեի՝ ամոթ քեզ: Ես այդ մարդուն վերջին անգամ տեսել եմ առերես հարցաքննությանը, ասել եմ՝ դու աննորմա՞լ ես, ի՞նչ ես խոսում, ես դրանից գաղափար ունե՞մ»,- ասաց Բեգլարյանը եւ հավելեց, որ առերեսումից հետո Սերգո Կարապետյանին այեւս չի հանդիպել:

Նա պնդեց, որ մրցույթի առնչությամբ Սերժ Սարգսյանի հետ ինքը պայմավորվածություն չի ունեցել:

Հարցին՝ երբ մրցույթում իր ընկերությունը հաղթեց, արդյո՞ք իր մոտ հարց չառաջացավ, թե ինչպե՞ս ստացվեց, որ իր ընկերությունը հաղթեց, Կարապետյանը պատասխանեց. «Ոչ, բացարձակ, որովհետեւ դա կարող էին իրականացնել միայն երկու ընկերություններ՝ CPS-ը, եւ «Ֆլեշը», մյուսներինը հնարավոր չէր, այդ հզորությունը չունեին»:

Հիշեցնենք, որ ըստ մեղադրանքի, Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ: Գործով ամբաստանյալներն առաջադրված մեղադրանքը չեն ընդունում:

Տպել
Ամենաշատ