Արցախում բենզինի պահեստի պայթյունի հետեւանքով տուժածներին Սիսիանից քիչ առաջ տեղափոխեցին Երեւանի Այրվածքաբանության ազգային կենտրոն։ Այս պահին կենտրոնին է մոտեցել 6 շտապօգնության մեքենա, եւ տուժածներին տեղավորում են հիվանդանոցում։
Հիվանդանոցում սպասում են շտապօգնության մյուս մեքենաների ժամանելուն։
Այս պահին կենտրոնի մոտ հավաքվածներից շատերը չգիտեն՝ իրենց բարեկամներն այստեղ են տեղափոխվել, թե՝ ոչ, քանի որ նրանց հետ չեն կարողացել կապվել։ Սպասում են բժիշկների պարզաբանմանը։
Հիշեցնենք, որ այսօր առավոտյան ուղղաթիռով բժիշկների թիմը` անհրաժեշտ դեղորայքով եւ բժշկական պարագաներով պահին մեկնել էր Ստեփանակերտ` օգնության հասնելու Ստեփանակերտ-Ասկերան ավտոճանապարհի հարակից տարածքում` բենզինի պահեստում, տեղի ունեցած պայթյունից տուժած մեր հայրենակիցներին։ Ժամը 11։30–ի սահմաններում առաջին ուղղաթիռն իջել էր Սիսիանում, որտեղից տուժածներին շտապօգնության մեքենաներով տեղափոխել են Երեւան։
