Հայաստանի վարչապետ Նիկոլ Փաշինյանը կարող է մասնակցել հոկտեմբերի 13-ին Բիշքեկում կայանալիք ԱՊՀ գագաթնաժողովին՝ տեսակապով։ Այս մասին ՌԴ նախագահի օգնական Յուրի Ուշակովը հայտարարել է «Մոսկվա։ Կրեմլ։ Պուտին» հաղորդման մեկնաբանության մեջ, տեղեկացնում է ՏԱՍՍ-ը։
«Ես չգիտեմ՝ Փաշինյանը կմեկնի՞ այնտեղ։ Իմ կարծիքով, տեղեկություններ կան, որ դա կլինի տեսակոնֆերանսի միջոցով»,- ասել է ՌԴ նախագահի օգնականը՝ պատասխանելով հարցին, թե Բիշքեկի ԱՊՀ գագաթնաժողովում նախատեսված է արդյոք հանդիպում ՌԴ նախագահ Վլադիմիր Պուտինի և Փաշինյանի միջև։
