Կիրակի վաղ առավոտյան Փենսիլվանիայի հասարակական կենտրոնում մասնավոր երեկույթի ժամանակ տեղի ունեցած հրաձգության հետևանքով մեկ մարդ զոհվել է, ևս ութը վիրավորվել, հայտնում է Associated Press-ը՝ վկայակոչելով տեղական իշխանություններին:
Ոստիկանությունը հայտնել է, որ թիրախ է դարձել 18-ից 23 տարեկան 9 մարդ, այդ թվում՝ Պիտսբուրգից 22-ամյա մի տղամարդ, որը մահացել է դեպքի վայրում:
Կասկածյալներից ոչ ոք չի ձերբակալվել և ոստիկանությունը տեղեկություն ունեցողներին խնդրել է կապ հաստատել Ինդիանա շրջանի պարեկների հետ: Իշխանությունները չեն հայտնել կատարվածի դրդապատճառը կամ ով է կանգնած դրա հետևում: