ԱՄՆ-ը F-35 և F-15 կործանիչներ կուղարկի Արևելյան Միջերկրական ծովի տարածաշրջանը պարեկելու համար, որպեսզի Իսրայելում պատերազմը չտարածվի երկրից դուրս, հայտնում է Insider-ը։
Այս տեղակայումը աջակցության ցուցադրություն է Միացյալ Նահանգների մերձավոր դաշնակիցներից մեկին այն բանից հետո, երբ Իսրայելը պատերազմ հայտարարեց Համասին:
Ինքնաթիռների տեղակայումը տեղի կունենա ի լրումն այն բանի, որ ԱՄՆ-ն Իսրայելի ափ է ուղարկելու իր ամենաժամանակակից ավիակիրը և ծանր զինված հարվածային խումբը:
«Մենք նաև քայլեր ենք ձեռնարկել տարածաշրջանում ԱՄՆ ռազմաօդային ուժերի F-35, F-15, F-16 և A-10 կործանիչներն ավելացնելու համար», - ասել է պաշտպանության նախարար Լլոյդ Ջ. Օսթինը:
Անանուն պաշտոնյան CNN-ին հայտնել է, որ մոտ 20-25 կործանիչ կուղարկվի տարածաշրջան, թեև պաշտպանության նախարարությունը դեռ պաշտոնական տվյալ չի հրապարակել։ Ջոկատներին հանձնարարվելու է զսպել պատերազմի ընդլայնումը և կանխել ցանկացած հնարավոր «իրանական ագրեսիա»:
