Գերմանիան կաջակցի Հայաստանի կառավարությանը Լեռնային Ղարաբաղի բնակչության ինտեգրման հարցում։ Այս մասին լրագրողների հետ զրույցում նոյեմբերի 22-ին ասել է Գերմանիայի տնտեսական զարգացման եւ համագործակցության նախարարության պետքարտուղար Նիլս Անենը։
Պաշտոնյան նշել է, որ ներդրումները վերականգնվող էներգետիկայի ոլորտում թույլ կտան Հայաստանին իջեցնել էլեկտրաէներգիայի ինքնարժեքը։ Նա հավաստիացրել է, որ հատուկ ուշադրություն կհատկացվի Հայաստանի էներգետիկ անկախության ամրապնդմանը։
ՀՀ ԿԲ-ն, ասել է Անենը, ստորագրել է համաձայնագիր փոքր եւ միջին բիզնեսի համար վարկերի հասանելիության մասին։
Այսօր ստորագրված փաստաթուղթը, նրա խոսքով, հստակ ազդանշան է, որ Հայաստանը եւ Գերմանիան համագործակցության նոր փուլ են բացում։ «Մենք առաջընթաց ենք գրանցել կոռուպցիայի դեմ պայքարում եւ կիրականացնենք լրացուցիչ ներդրումներ այդ ոլորտում։ Գործարար միջավայրի բարելավման ցանկացած ներդրում պետք է արվի խնդիրների հաղթահարման համար տարածաշրջանում ընդհանրապես։ Մենք բարձր ենք գնահատում ՀՀ վարչապետի գաղափարը «Խաղաղության խաչմերուկի» մասին։ Մենք այդ նախագիծը կներկայացնենք գերմանացի գործարարներին՝ այն հույսով, որ նրանք կշարունակեն ներդրումները Հայաստանի տնետսությունում»,- նշել է Նիլս Անենը։
