News
Լրահոս
News
Ուրբաթ
Փետրվար 23
Տեսնել լրահոսը

Նոյեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Վաղարշապատի «Հրաչ և Սյուզան Թուֆայան» հայորդյաց տանը հյուրընկալեց Մայր Աթոռ Սուրբ Էջմիածնի և Հայկական Բարեգործական Ընդհանուր Միության հովանու ներքո գործող Հայորդյաց տների հանրապետական ու միջազգային տարբեր փառատոններում, մրցույթներում, ցուցահանդեսներում և մրցաշարերում մրցանակային տեղեր զբաղեցրած շուրջ 280 սաների: Այս մասին հայտնում են Մայր Աթոռի տեղեկատվական համակարգից։

Հայորդյաց տների ծրագիրը մեկնարկել է 1993 թվականին նախաձեռնությամբ Արարատյան Հայրապետական թեմի առաջնորդական փոխանորդ Տ. Գարեգին արքեպիսկոպոս Ներսիսյանի և աջակցությամբ ՀԲԸՄ նախագահ տիկին Լուիզ Մանուկյան Սիմոնի։

Արտադպրոցական կրթության այս կենտրոններում տարբեր տարիքի երեխաները հնարավորություն են ստանում մասնակցելու արվեստների ու արհեստների, սպորտաձևերի և այլ մասնագիտական խմբակներին` ստանալով հիմնավոր կրթություն: Մասնավոր ուշադրություն է դարձվում սաների հոգևոր դաստիարակությանը և ազգային նկարագրի կերտմանը:

Հաջողություններ արձանագրած աշակերտները Մայր Աթոռ Սուրբ Էջմիածին էին այցելել ստանալու Նորին Սրբության օրհնությունը։

Հանդիպումը սկսվեց Հայորդյաց տների տնօրենի պաշտոնակատար տիկին Լիաննա Առաքելյանի ողջույնի խոսքով: Վերջինս Վեհափառ Հայրապետին ներկայացրեց Հայորդյաց տների արձանագրած հաջողությունները` մասնավորապես անդրադառնալով տարբեր ոլորտներում սաների նվաճումներին: Տիկին Առաքելյանն իր խոսքում շնորհակալություն հայտնեց Ամենայն Հայոց Կաթողիկոսին Հայորդյաց տների նկատմամբ դրսևորվող հայրական խնամքի ու հոգածության համար և ընդգծեց, որ կրթական այդ կենտրոնները՝ հաղթահարելով տարբեր դժվարություններ շարունակում են պատվով իրականացնել իրենց առաքելությունը հայրենական կյանքում։

Ամենայն Հայոց Հայրապետն իր օրհնությունը և շնորհավորանքներն փոխանցեց Հայորդյաց տների սաներին, մանկավարժներին ու տնօրեններին 2023 թվականի ընթացքում արձանագրված ձեռքբերումների և հաղթանակների առիթով:

Նորին Սրբությունը, անդրադառնալով Հայորդյաց տների կարևոր առաքելությանը, հաստատեց, որ Հայորդյաց տներում ոչ միայն բացահայտվում ու զորանում են հայորդիների տաղանդներն ու շնորհները, այլ նաև կերտվում է նրանց նկարագիրը՝ խարսխված ազգային և հոգևոր արժեքների վրա։

«Մեր ցանկությունն է, որ մեր զավակները մեծանան Աստծու խնամքի և սիրո ներքո, հաղորդ դառնան Տիրոջ պատվիրաններին ու պատգամներին, ապրեն այդ պատվիրանների համաձայն՝ դրանք կենսագործելով իրենց կյանքում, որպեսզի մեր ժողովրդի զավակների կյանքը լինի երջանիկ և օրհնյալ, ազգը՝ հզոր, կարող և միշտ առաջադեմ, ժամանակի ոգուն ու ընթացքներին համարժեք քայլող»,- ասաց Հայոց Հովվապետը՝ գոհունակությամբ ընդգծելով, որ Հայորդյաց տները 30 տարի շարունակ իրագործում են այդ սրբազան առաքելությունը։

Ամենայն Հայոց Կաթողիկոսն աղոթքով վերհիշեց Հայորդյաց տների հիմնադրման ակունքներում կանգնած ՀԲԸՄ նախագահ լուսահոգի տիկին Լուիզ Մանուկյան Սիմոնին, ում հովանավորությամբ կյանքի կոչվեց ծրագիրը:

Հանդիպման ընթացքում Հայոց Հայրապետն իր բարձր գնահատանքը հայտնեց Հայորդյաց տների տնօրենի պաշտոնակատար տիկին Լիաննա Առաքելյանին, տնօրեն կազմին, մանկավարժներին նախանձախնդիր և ժրաջան աշխատանքի համար։

Վերջում Ամենայն Հայոց Կաթողիկոսը բարեմաղթեց, որ Աստծո օրհնության ներքո սաները հասակ առնեն, զորանան և իրենց ներդրումը բերեն բարօր ու հզոր Հայրենիքի կերտման գործում։

Տպել
Կարդացեք նաև
Ամբողջը
«Էջմիածին» խմբակցությունը կոչ է անում փետրվարի 24-ին հավաքվել Մայր Աթոռում՝ «պաշտպանելու եկեղեցին ոտնձգություններից»
«Հայ Առաքելական Եկեղեցին Սրբության Սրբոցն է»․․․
Թող Տերը իմաստություն և արթնություն տա բոլորիս մտքերին, որ ամեն մի հայ կարևորություն տա ազգային խնդիրներին․ Արցախի թեմ
Հայ Առաքելական Եկեղեցու Արցախի թեմի ուղերձը՝ Արցախյան շարժման 36-ամյակի…
Մեկնարկել է Գերագույն հոգևոր խորհրդի ժողովը. կքննարկվեն Հայաստանի և Արցախի շուրջ ընթացող զարգացումները
Փետրվարի 20-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ…
Պոլսի Հայոց Պատրիարքը ժամանեց Մայր Աթոռ Սուրբ Էջմիածին. Նա կմասնակցի Գերագույն հոգևոր խորհրդի ժողովին
Ամենապատիվ Սահակ Պատրիարքը նաև իր մասնակցությունը կբերի Մայր Աթոռում...
Վեհափառը կարդինալ Կլաուդիո Գուջերոտիի հետ խոսել է տարածաշրջանում ստեղծված բարդ իրավիճակի մասին
Ամենայն Հայոց Կաթողիկոսն ընդունել է կարդինալ Կլաուդիո Գուջերոտիին...
Կաթողիկոսը քահանաներին պատգամել է հավուր պատշաճի արձագանքել ազգային կյանքում տեղ գտնող անցանկալի երևույթներին
Ամենայն Հայոց Կաթողիկոսը հանդիպել է Մայր Աթոռում վերապատրաստման դասընթացներին մասնակից եկեղեցականների հետ
Ամենաշատ