Միացյալ Նահանգները տագնապեցնող է համարում լրագրողների, քաղհասարակության ակիվիստների եւ ընդդիմադիրների ձերբակալությունների վերջերս նկատվող միտումը Ադրբեջանում։ Այս մասին հայտնել է ԱՄՆ պետդեպարտամենտի ներկայացուցիչ Մեթյու Միլլերը՝ դա անընդունելի համարելով։

«Վերջին մեկ ամսում ձերբակալվել է ավելի քան տասը այդպիսի գործիչ։ Մենք կոչ ենք անում Ադրբեջանի կառավարությանը հարգել մարդու իրավունքները եւ հիմնական ազատությունները, ներառյալ խոսքի ազատությունը, եւ որքան հնարավոր է արագ ազատել անարդարացիորեն ձերբակալվածներին»,- ասել է Միլլերը ամենօրյա ճեպազրույցի ժամանակ։