Առաջիկայում ճանապարհային երթեւեկության հետ կապված կարեւոր նորամուծություն ենք սպասում, որ նոր համարանիշները պետք է էլեկտրոնային աճուրդով վաճառվեն։ Այս մասին այսօր՝ դեկտեմբերի 28-ին, կառավարության նիստի ժամանակ ասաց վարչապետ Նիկոլ Փաշինյանը։
«Այստեղ ամենակարևոր խնդիրն այն է, որ այդ էլեկտրոնային աճուրդները պետք է լինեն իրական էլեկտրոնային աճուրդներ։ Մարդկանց այս պահից սկսած պետք է պատշաճ ծանուցվի, որ եթե դուք բազմաթիվ զրոներով համարանիշների սիրահար եք, ուրեմն պետք է մասնակցեք այդ աճուրդին:
Իրական աճուրդ պետք է տեղի ունենա և պետք է վաճառվի առաջարկված ամենաթանկ գնով, մարդիկ պետք է իրար հետ մրցակցեն, պայքարեն։ Ով ուզում է վճարի ավելի շատ, թող վճարի ու այդ համարանիշը տանի»,- ասաց Նիկոլ Փաշինյանը։