«QƏFƏS-28» գործողության շրջանակներում 56 մարդ է ձերբակալվել, որոնք Ինտերպոլի կողմից միջազգային հետախուզման մեջ են հայտարարվել 18 երկրներից։ Այս մասին X-ի իր միկրոբլոգում գրել է Թուրքիայի ներքին գործերի նախարար Ալի Երլիքայան։
«Թուրքիայի 11 շրջաններում գործողություններ են իրականացվել ԱՄՆ-ի, Գերմանիայի, Ադրբեջանի, ԱՄԷ-ի, Բելառուսի, Մարոկկոյի, Պաղեստինի, Հնդկաստանի, Իսրայելի, Իրանի, Քաթարի, Ղազախստանի, Մոլդովայի, Ուզբեկստանի, Ռուսաստանի, Սաուդյան Արաբիայի, Թուրքմենստանի և Հորդանանի կողմից հետախուզման մեջ գտնվող անձանց նկատմամբ։ Նրանք հետախուզվում էին փողերի լվացման, միգրանտների մաքսանենգության, թմրամիջոցների ապօրինի շրջանառության, կաշառակերության, մարդկանց առևտրի, գողության, խարդախության և այլնի հետ կապված հանցագործությունների համար»,- գրել է նա։