Երկրի հյուսիս-արևմուտքում դիմադրության կողմից վերահսկվող գյուղի վրա Մյանմայի զինված ուժերի ավիահարվածների հետևանքով առնվազն 17 խաղաղ բնակիչ է զոհվել, այդ թվում՝ ինը երեխա, հայտնում է AP-ն՝ վկայակոչելով տեղի բնակիչներին և իրավապաշտպան կազմակերպությունների ներկայացուցիչներին։
Նրանց վկայությամբ, Քանան գյուղի վրա վաղ առավոտյան օդային գրոհների հետևանքով ևս մոտ 20 մարդ է վիրավորվել:
Մյանման համակված է բռնությամբ, որը սկսվել է այն բանից հետո, երբ բանակը 2021 թվականի փետրվարին տապալեց Աուն Սան Սու Չժիի ընտրված կառավարությունը: Այն բանից հետո, երբ խաղաղ ցույցերը ճնշվեցին մահաբեր ուժի կիրառմամբ, ռազմական կառավարման շատ հակառակորդներ զենք վերցրին, և երկրի մեծ մասն այժմ հակամարտության մեջ է: