News
Լրահոս
News
Երկուշաբթի
Ապրիլ 22
Տեսնել լրահոսը


Հայաստանի և Ադրբեջանի միջև խաղաղության համաձայնագրի շուրջ առաջընթացը հավանական է, բայց բռնկումների կամ լայնամասշտաբ պատերազմի վերսկսման վտանգը կմնա բարձր, քանի որ Ադրբեջանը ձգտում է պահպանել ճնշման լծակները Հայաստանի նկատմամբ, այս մասին ասված է ամերիկյան հեղինակավոր «Stratfor» ուղեղային կենտրոնի՝ 2024 թվականի կանխատեսումների մասին հրապարակած զեկույցում։

Երևանը, ըստ կենտրոնի վերլուծաբանների, կշարունակի ձգտել Բաքվի հետ խաղաղության համաձայնագրի կնքմանը, սակայն տարածաշրջանային տարանցիկ միջանցքների պայմանների շուրջ տարաձայնությունները կշարունակեն խոչընդոտել բանակցություններին:

«Հայաստանը կօգտագործի քաղաքական աճող կապերն Արևմուտքի հետ և ռազմական աջակցությունը վերջինի կողմից՝ դիմակայելու Բաքվի համառ նկրտումներին, բայց հաշվի առնելով այն, որ Երևանը քիչ լծակներ ունի իր ձեռքում, հավանաբար, կընդունի Հայաստանի հարավով տարանցման և սահմանազատման հարցերում Բաքվի առաջ քաշած պահանջները»,- գրում է աղբյուրը։

Փետրվարի 7-ին նախագահ Իլհամ Ալիևի վերընտրվելուց հետո Ադրբեջանը, ըստ «Stratfor»-ի կանխատեսման, կշարունակի մեծացնել ռազմական կարողությունները Հայաստանի հետ սահմանի երկայնքով՝ հնարավոր ներխուժմանը նախապատրաստվելու և բանակցություններում ճնշման լծակներ ձեռք բերելու նպատակով։

«Եթե տարվա առաջին կեսին զգալի առաջընթաց չգրանցվի, Ադրբեջանի կողմից Հայաստանի հարավի նշանակալի տարածք զավթելու ռիսկը կմեծանա ամռանը, երբ լայնածավալ ռազմական գործողություններ սկսելու համար պայմանները նպաստավոր կլինեն։ Չնայած Մոսկվայից հեռանալու Երևանի ցանկության մասին աճող ազդանշաններին, Ռուսաստանի ազդեցությունը Հարավային Կովկասում չի նվազի այնքան, որ այլևս չլինի էական, քանի որ Հայաստանը կմնա Հավաքական անվտանգության պայմանագրի կազմակերպությունում, իսկ երկրի տնտեսությունը սերտորեն կապված կապված ռուսական տնտեսության հետ: Միևնույն ժամանակ, Ադրբեջանի և Ռուսաստանի միջև երկկողմ հարաբերություններն ու առևտրային կապերը կբարձրանան նոր մակարդակի։ Արևելք-Արևմուտք տարանցումը Հարավային Կովկասում կշարունակի իրականացվել հիմնականում Վրաստանի տարածքով, մինչդեռ Բաքուն կնպաստի Ռուսաստանն Իրանին կապող Հյուսիս-Հարավ ենթակառուցվածքի զարգացմանը: Եթե Բաքուն ներխուժի Հայաստան՝ իր էքսկլավ Նախիջևանի հետ ցամաքային կապ հաստատելու նպատակով, Ադրբեջանն ու Թուրքիան կհայտնվեն Արևմուտքի ճնշման տակ և կսպառնան փոխել արտաքին կուրսը՝ հեռանալով Արևմուտքից և ավելի սերտ կապեր հաստատելով Ռուսաստանի, Չինաստանի և Իրանի հետ»,- եզրափակում է «Stratfor»-ը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիային պետք է, որ թե՛ հայերը, թե՛ վրացիները սերտ կապեր ունենան իրենց հետ․ «Stratfor»-ի վերլուծաբան
Եթե ​​բախումները սահմանափակվեն փոքր տարածքներով, ապա Արևմուտքը կասի, որ սա հսկայական էսկալացիա չի համարվում...
Ադրբեջանը ստանում է 4 գյուղ, իսկ ի՞նչ է ստանում Հայաստանը. վարչապետի աշխատակազմի պատասխանը
Ադրբեջանն այսօր էլ շատ մոտ է Կիրանց, Ոսկեպար գյուղերին եւ նրանք գտնվում են...
Սահմանազատումից հետո չորս գյուղերի հատվածում զինված ուժերը ետ են քաշվելու, տեղը զիջելու են սահմանապահ զորքերին
Հայաստանը չի կարող հրաժարվել անկլավ/էքսկլավների խնդրից...
Քարտեզ. Հայաստանի եւ Ադրբեջանի միջեւ 4 գյուղերի հատվածում կլինի սահմանազատված պետական սահման. Վարչապետի աշխատակազմ
Ճշգրտության համար արձանագրենք, որ Ադրբեջանը ստանում է իրեն պատկանող երկուսուկես գյուղ, որովհետեւ Կըզլ Հաջըլի գյուղի տարածքն ամբողջությամբ, Աշաղը Ասկիպարա գյուղի տարածքի մի զգալի մասը մինչ այս էլ․․․
Ինչ են որոշել Հայաստանն ու Ադրբեջանը 4 գյուղերի վերաբերյալ․ պաշտոնական հաղորդագրություն
Սահմանազատման գործընթացի սկզբնական փուլում Կողմերը նախնական համաձայնեցրել են սահմանագծի առանձին հատվածները, անմիջականորեն Բաղանիս․․․
Մեծ յոթնյակի երկրները կոչ են արել Երևանին և Բաքվին հավատարիմ մնալ խաղաղ գործընթացին
Մենք կոչ ենք անում Հայաստանին և Ադրբեջանին լիովին հավատարիմ մնալ խաղաղ գործընթացին՝ հասնելու...
Ամենաշատ