![](img/news/80/35/32/default.jpg)
Ռուսաստանում «Յանդեքսի» գլխավոր իրավաբանական անձ՝ նիդեռլանդական Yandex N.V-ի հետ միասին, դարձել է «Յանդեքս» միջազգային բաժնետիրական ընկերությունը (ՄԲԸ), որը գրանցված է Կալինինգրադի մարզի օֆշորում։ Այս մասին տվյալներ են հայտնվել հունվարի 22-ին իրավաբանական անձանց միասնական պետական ռեեստրում, տեղեկացրել է «Ինտերֆաքսը»։
«Յանդեքս» ՄԲԸ-ն գրանցվել է Կալինինգրադի Օկտյաբրսկի կղզու հատուկ վարչական շրջանում 2023թ. դեկտեմբերի վերջին։
Yandex N.V-ից ռուսական «դուստր» ընկերութանն ակտիվների հանձնումը ընկերության վաճառքի կարեւոր փուլերից մեկն է։ Ենթադրվում է, որ այդ ընկերության սեփականատեր կդառնա «ներդրողների կոնսորցիումը»։
Նոյեմբերին Reuters-ը, հղում կատարելով աղբյուրներին, տեղեկացրել էր, որ Yandex N.V.-ն դիտարկում է մինչեւ 2023թ. վերջ միանգամից իր բոլոր ռուսական ակտիվների վաճառքի հնարավորությունը։ Հաշվի առնելով 50 տոկոս զեղչով ակտիվների վաճառքի պահանջը՝ գործարքի արժեքը գնահատվում էր հինգ-վեց մլրդ դոլար։
Reuters-ի զրուցակիցները նշել են, որ Ռուսաստանի իշխանությունները չեն ազգայնացնի «Յանդեքսը» ընկերությունից ուղեղների արտահոսքի մտավախության պատճառով։
Մինչ այդ ԶԼՄ-ները գրել էին, որ «Յանդեքսի» բիզնեսը կարող է բաժանվել միջազգային եւ ռուսական մասերի, ընդ որում՝ ռուսական մասը պետք է բաժին ընկներ ռուսաստանցի ներդրողներին։ «Մեդուզան» եւ The Bell-ը մայիսին գրել էին, որ «Յանդեքսի» բաժանման գործարքին համաձայնել է Ռուսաստանի նախագահ Վլադիմիր Պուտինը։
Ավելի ուշ պարբերականները գրել էին, որ «Յանդեքսի» ռուսական մասի՝ Պուտինի հավանությանն արժանացած պոտենցիալ գնորդների ցուցակը, որի մեջ մտնում էին Վլադիմիր Պոտանինը, Ալեքսեյ Մորդաշովը, Վագիթ Ալեքպերովը եւ ՎՏԲ բանկը, հարմար չի եղել «Յանդեքսի» խորհրդի օտարերկրյա տնօրեններին։ Նրանք, ինչպես նշվել է, հրաժարվել են գործեր վարել պոտենցիալ գնորդների հետ, որոնք գտնվում են արեւմտյան այս կամ այն պատժամիջոցի տակ։