Երբ խոսում եք Արցախի զիջելու մասին, խնդրում եմ՝ ուրիշ տեղ փնտրել Արցախը զիջողներին, 2024-ի հունվարի 1-ից ԼՂ լուծարման հրամանագիրը ես չէ, որ ստորագրել եմ, ստորագրել են մարդիկ, որոնք պարբերաբար շատ դրական լույսի ներքո ներկայացվում են գրեթե բոլոր լրատվամիջոցներում: Այս մասին այսօր՝ փետրվարի 2-ին, ԱԺ-ում լրագրողների հետ զրույցում նշեց ՔՊ-ական պատգամավոր
Դիտարկմանը, թե Արցախը զիջելուց հետո հնարավո՞ր է իշխանությունը զիջի նաեւ Սյունիքը, նա ասաց. «Սյունիքը ինքնիշխան Հայաստանի մաս է, իհարկե հնարավոր չի զիջել Սյունիքը: ՀՀ տարածքից ոչ մի սանտիմետր զիջել հնարավոր չէ»:
Դիտարկմանը, որ նոր Սահմանդրության մեջ փորձ է արվելու նվազեցնել եկեղեցու դերը, հավասարեցնել մյուս կրոնական համայնքներին, Ալեքսանյանն ասաց. «Պետք է խնդրեմ, որ մանտրայի պոես դարձած խոսույթները, որ պարբերաբար փորձում են մեր վրա ներդնել, որ Եկեղեցու դերն եք նվազեցնում էս եք անում, էն եք անում, մի քանի կետ կա, որ անընդհատ փորձում են մեզ թիրախավորել:
Կարող եմ ասել, որ Եկեղեցու դերը ոչ մեկը ՀՀ-ում չի կարող նվազեցնել բացի հենց իրենից՝ Եկեղեցուց: Ես հուսով եմ, որ մեր եկեղեցին կլինի այն բարձունքում, որում պետք է լինի»:
Հարցին՝ հիմա այդ բարձունքում չէ՞, նա արձագանքեց. «Այդ հարցն ինձ մի տվեք»: