Բարձր տեխնոլոգիաների ոլորտում համագործակցության հարցերի քննարկմանը զուգահեռ մեր ուշադրության կենտրոնում են փոխգործակցության ոլորտները, որոնցում անհրաժեշտ է ձևավորել ընդհանուր շուկաներ։ Այս մասին Ալմաթիում Եվրասիական միջկառավարական խորհրդի նիստի ժամանակ հայտարարել է Հայաստանի վարչապետ Նիկոլ Փաշինյանը։
«Չնայած նրան, որ 2025 թվականին նախատեսվում է սկսել գազի, նավթի և նավթամթերքի ընդհանուր շուկաների գործունեությունը, այսօր ակնհայտ է, որ ընդհանուր էներգետիկ շուկայի կառուցման և զարգացման հեռանկարների տեսանկյունից անդամ երկրների հստակ միասնական մոտեցում չկա,- նշել է նա։
Նիկոլ Փաշինյանը վստահություն է հայտնել, որ ԵԱՏՄ անդամ բոլոր երկրների համար, առանց բացառության, միասնական էներգետիկ շուկայի ստեղծումը մի շարք առանցքային առավելություններ կտա՝ նպաստելով տնտեսությունների կայուն զարգացմանը, բնակչության բարեկեցության բարձրացմանը, ինչպես նաև էներգետիկ անվտանգության ամրապնդում։
«Հաշվի առնելով դա՝ մենք կարծում ենք, որ մեր երկխոսությունը պետք է ուղղված լինի փոխզիջումային համաձայնությունների որոնմանը»,- եզրափակել է նա։