ՌԴ Արտաքին գործերի նախարարի հատուկ ներկայացուցիչ Իգոր Խովաևն այժմ գտնվում է Բաքվում և ծրագրել է շփումներ անցկացնել ադրբեջանցի գործընկերների հետ, այդ թվում՝ խաղաղության պայմանագրի թեմայով։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ելնում ենք նրանից, որ նա կշարունակի իր շրջագայությունը տարածաշրջանով և մոտ ապագայում կկարողանա այցելել Երևան և բարեկամաբար, գործընկերային ձևով քննարկել բոլոր մանրամասները, որպեսզի այդ շփումները Հայաստանի համար օգուտ ունենան», - ասել է նա:
