![](img/news/80/85/08/default.jpg)
Չորեքշաբթի նավթի գինը բարձրանում է՝ ԱՄՆ դոլարի թուլացման, ինչպես նաեւ չինական ֆոնդային շուկայի վստահ վերելքի ֆոնին, շնորհիվ Չինաստանի տնտեսության վերականգնման ակնկալիքների։
Brent նավթի ապրիլյան ֆյուչերսների արժեքը Լոնդոնի ICE Futures բորսայում կազմում է մեկ բարելը 82,66 դոլար, ինչը 0,32 դոլարով (0,39տոկոս) ավելի բարձր է, քան նախորդ աճուրդների փակման ժամանակ։ Երեքշաբթի այդ պայմանագրերը էժանացել էին 1,22 դոլարով (1,5 տոկոս)՝ մեկ բարելը 82,34 դոլար։
WTI-ի ապրիլյան ֆյուչերսները Նյու Յորքի ապրանքային բորսայի (NYMEX) էլեկտրոնային աճուրդներում թանկացել են 0,27 դոլարով (0,35 տոկոս)՝ մեկ բարելը 77,31 դոլար։ Նախորդ աճուրդների արդյունքներով՝ այդ պայմանագրերի արժեքը նվազել է 1,42 դոլարով (1,8 տոկոս)՝ մեկ բարելը 77,04 դոլար։