News
Լրահոս
News
Կիրակի
Ապրիլ 21
Տեսնել լրահոսը

Եթե ադրբեջանցու կողմից հայ ծերունու գլխատման տեսանյութերի առկայության պայմաններում ռուսական կողմը հետ վերադարձնի Քյամիլ Զեյնալլինին, ապա դա նշանակում է պատերազմական հանցագործությունների հովանավորում։ Այս մասին NEWS.am-ի հետ զրույցում ասաց Միջազգային եւ համեմատական իրավունքի կենտրոնի նախագահ Սիրանուշ Սահակյանը։

Նշենք, որ ադրբեջանցի Քյամիլ Զեյնալլինը 44-օրյա պատերազմի ժամանակ Հադրութի անտառներից մեկում առանձնակի դաժանությամբ սպանել էր անօգնական վիճակում հայտնված հայ ծերունուն եւ հրապարակել այդ կադրերը համացանցում։ Այդ անձը Հայաստանի կողմից միջպետական մակարդակով հետախուզվում է՝ պատերազմական հանցանք կատարելու համար։ Եվ պատերազմից 4 տարի անց Քյամիլ Զեյնալլինը Մոսկվայից Բաքու վերադառնալիս «Դոմոդեդովո» օդանավակայանում ձերբակալվել է։ Ռուսաստանի իրավապահները նրան բերման են ենթարկել, որից հրապարակվել են նաեւ կադրեր։

Սիրանուշ Սահակյանի խոսքով՝ վերագրվող հանցանքը սովորական պատերազմական հանցագործություն չէ․ «Այն ատելության հողի վրա խոցելի քաղաքացիական անձի նկատմամբ առանձնակի դաժանությամբ եւ ահաբեկչական մեթոդներով կատարված սպանություն է, որը բազմապիսի միջազգային կոնվենցիոնալ նորմերի դեմ է․ խոսքը տարեց տղամարդու գլխատմանն է վերաբերում, որը ֆիզիկական տիրապետության տակ էր հայտնվել։ Նման հանցագործությունները պետք է պատժվեն, եթե անգամ ռուսական կողմը չի ցանկանում տրամադրել Հայաստանի Հանրապետությանը, ապա միջազգային իրավունքում գործում է մեկ այլ սկզբունք՝ «կամ հանձնիր կամ դատիր», եւ առնվազն Մոսկվայի համար գոյություն ունի պարտականություն՝ համընդհանուր իրավազորության ներքո քննել եւ արդարադատության առջեւ կանգնեցնել նման հանցագործություն կատարած անձին»։

Սիրանուշ Սահակյանը նշեց, որ եթե նման տեսանյութերի առկայության պայմաններում ռուսական կողմը հետ վերադարձնի Ադրբեջանին, սա նշանակում է պատերազմական հանցագործությունների հովանավորում․

«Կարծում եմ՝ Ռուսաստանը պետք է փրկի իր իմիջը։ ՌԴ-ն մեղադրում է պատերազմական ծանր հանցագործությունների կատարման մեջ, եթե ՌԴ-ն իրապես ներագրավված չէ եղել եւ նման պետական քաղաքականություն չի իրականացնում, ապա իր երկրում հայտնված պատերազմական հանցագործին ատելության հիմքով կատարված շարժառիթներով չի կարող ուղղակի անպատժելիություն երաշխավորել։ Կարծում եմ՝ սա իրավունքի մեջ չի տեղավորվում։ Այն նաեւ բացասաբար կանդրադառնա նաեւ փոխհարաբերությունների վրա, յուրաքանչյուր հայ թե՛ Հայաստանում, թե՛ Հայաստանի սահմաններից դուրս ապրող տեղյակ է միջադեպին»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
44-օրյա պատերազմում վիրավորում ստացած Մանվել Հակոբյանի՝ Սալոնիկում բուժման համար հատկացվեց լրացուցիչ 5 մլն դրամ
Կառավարությունը ՊՆ-ին հատկացրեց 5 մլն դրամ 44-օրյա պատերազմում վիրավորում…
Ղարաբաղյան 2-րդ պատերազմում հայ զինվորներին իսրայելական զենքով էին սպանում. Իրանի դեսպան
Այստեղ գիտեն, որ Սիոնիստական ​​ռեժիմը Հարավային Կովկասում անկայունության հիմնական գործոններից մեկն է...
«Հայ, մեռնելու ես» բառերը նորմա՞լ են դատարանի համար»․ պրոֆեսոր Մերֆիի փաստերը՝ Ադրբեջանի ռասիստական քայլերի մասին
Հետաքրքիր է, թե Ադրբեջանն ինչպես կարող է այդ դիրքորոշումը որդեգրել, թե ատելության խոսքի մասին մեր պնդումները կարող են տեղավորվել կոնվենցիայի շրջանակի մեջ, բայց նույն ատելության խոսքը եթե օգտագործվում է․․․
Ճշմարտության և արդարության կենտրոնը հրապարակել է Ադրբեջանի հակահայկական հռետորաբանության վերաբերյալ կատալոգ
Կատալոգը լույս է սփռում Ադրբեջանի շարունակական հակահայկական …
Ադրբեջանի նպատակը էթնիկ հայերին իրենց հայրենիքից հեռացնելն էր․ Պիեռ Դարժանի ելույթը Հաագայի դատարանում
Հարցը, սակայն հետեւյալն է․ իրո՞ք դիրքորոշումը փոխվել է, քանի որ դժար է իմանալ՝ ստույգ ի՞նչն է փոխվել այդ դիրքորոշման մեջ․․․
Ադրբեջանի պնդումների ճնշող մեծամասնությունը բացարձակ դուրս է դատարանի իրավազորության շրջանակից. Եղիշե Կիրակոսյան
Ադրբեջանի պնդումների ճնշող մեծամասնությունը բացարձակ դուրս է դատարանի իրավազորության շրջանակից…
Ամենաշատ