ԱՄՆ Կենտրոնական հետախուզական վարչության (ԿՀՎ) տնօրեն Ուիլյամ Բըրնսը ժամանել է Եգիպտոս, քանի որ Գազայի հատվածում հնարավոր ժամանակավոր զինադադարի և պատանդների ազատ արձակման շուրջ բանակցությունները, ըստ երևույթին, դադարեցվել են: Այս մասին հայտնում է «Today in Israel» պորտալը։
Բըրնսը կհանդիպի Եգիպտոսի և Քաթարի ներկայացուցիչների հետ, որոնք նույնպես միջնորդներ են հանդիսանում հնարավոր գործարքի կնքման բանակցություններում։ Այցը մինչև մահմեդական Ռամադան ամսվա սկիզբը հրադադարի հարցում համաձայնության հասնելու Միացյալ Նահանգների քայլերից մեկն է։ Այնուամենայնիվ, ԱՄՆ պաշտոնյաները զգուշացնում են, որ «ՀԱՄԱՍ»-ը կարող է փորձել բռնություն հրահրել մեկ ամսվա ընթացքում:
«ՀԱՄԱՍ»-ը կրկին պնդում է մշտական հրադադարի և Գազայի հատվածից զորքերի դուրսբերման մասին. պահանջներ, որոնք Իսրայելը կտրականապես մերժել է։
«ՀԱՄԱՍ»-ը պահանջում է նաև, որ Գազայի հատվածի հյուսիսից տեղահանված բնակիչներին թույլ տրվի վերադառնալ անկլավ, և որ Իսրայելը պատանդներից գոնե մի քանիսի դիմաց ազատ արձակի մոտ 1500 բանտարկյալների, որոնք պատիժ են կրում ահաբեկչական հանցագործությունների համար։
The Wall Street Journal-ը հաղորդում է, որ Գազայի հատվածում ՀԱՄԱՍ-ի առաջնորդ Յահյա Սինվարը մի քանի օր լռությունից հետո վերսկսել է շփումները այլ պաշտոնյաների հետ և կրկնել է իր դիրքորոշումը․ այն, ըստ տեղեկությունների, կոշտացվել է Իսրայելի և ԱՄՆ-ի միջև աճող լարվածության ֆոնին։
«ՀԱՄԱՍ»-ը հետաձգում է վեցշաբաթյա հրադադարը՝ հրաժարվելով ազատ արձակել վատառողջ, տարեց և կին պատանդներին, որոնք իրենք պահում են Գազայի հատվածում, այսօր հայտարարել են ԱՄՆ պաշտոնյաները:
Թեև տեղեկություններ կային, որ «ՀԱՄԱՍ»-ը լքել է Կահիրեում կայացած բանակցությունները, քանի որ դրանք կարծես փակուղի են մտել, Սպիտակ տունը դեռևս քայլեր է անում հնարավոր համաձայնության հասնելու համար: Ամերիկացիները պնդում են, որ փորձում են փրկել իրավիճակը։
«Մենք դա տեսնում ենք որպես պատանդներին տուն բերելու միջոց», - ասել է ԱՄՆ վարչակազմի պաշտոնյան։
