Երեքշաբթի նավթի գնանշումները թեթեւակի բարձրանում են, նախորդ աճուրդներն ավարտվել էին գրեթե անփոփոխ։

Brent-ի մայիսյան ֆյուչերսները Լոնդոնի ICE Futures բորսայում թանկացել են 0,22 դոլարով (0,27 տոկոս)՝ մեկ բարելը 82,43 դոլար։ Երկուշաբթի Brent-ը թանկացել էր 13 սենթով՝ մեկ բարելը 82,21 դոլար։

WTI-ի ապրիլյան ֆյուչերսները Նյու Յորքի NYMEX ապրանքային բորսայի էլեկտրոնային աճուրդներում թանկացել են 0,13 դոլարով (0,17 տոկոս)՝ մեկ բարելը 78,06 դոլար։ Նախորդ աճուրդներում պայմանագիրն էժանացել էր 8 սենթով՝ մեկ բարելը 77,93 դոլար։

Շուկայի մասնակիցները սպասում են ԱՄՆ-ում մարտի 12-ին գնաճի տվյալների, ինչպես նաեւ ՕՊԵԿ-ի եւ Միջազգային էներգետիկ գործակալության ամենամսյա հաշվետվությունների հրապարակմանը։