Հումանիտար օգնությամբ առաջին նավը մեկնել է Կիպրոսից Գազա ծովային միջացքով։ Այս մասին X-ում գրել է Կիպրոսի նախագահ Նիկոս Խրիստոդուլիդիսը։
Հումանիտար միջանցքը ստացել է «Ամալթեայի նախաձեռնություն» անունը՝ ի պատիվ հունական առասպելաբանությունից Զեւսի խորթ մոր։
Կիպրոսի նախագահը նախաձեռնությունը նկարագրել է որպես «փրկարար օղակ քաղաքացիական բնակչության համար»։
Եվրահանձնաժողովի նախագահ Ուրսուլա ֆոն դեր Լյայենը հայտնել է, որ առաջին նավը «հույսի նշան է»։ «Մենք համառորեն կաշխատենք միասին, որպեսզի նրան հաջորդեն շատ այլ նավեր։ Մենք ամեն ինչ կանենք, մեր ուժերի ներածի չափ, որպեսզի օգնությունը հասնի պաղեստինցիներին»,- ավելացրել է նա։
Նախօրեին հայտնի էր դարձել, որ ծովային միջանցքը Կիպրոսի եւ Գազայի միջեւ չի աշխատել՝ չնայած ակնկալիքներին, որ այն կբացվի շաբաթ կամ կիրակի։ Ուշացման պատճառը «տեխնիկական դժվարություններն» են եղել։
Ավելի վաղ ԱՄՆ նախագահ Ջո Բայդենը ամերիկացի զինվորականներին հանձնարարել էր ստեղծել ժամաակավոր նավահանգիստ Գազայի ափին, որպեսզի մեղմվի հումանիտար ճգնաժամը հատվածում, որտեղ Իսրայելը ռազմական գործողություն է իրականացնում ՀԱՄԱՍ ահաբեկչական խմբավորման դեմ։