![](img/news/81/24/32/default.jpg)
Ավստրալիան հավելյալ միջոցներ կուղարկի ՄԱԿ-ին՝ Գազայի հատվածին օգնությունն ավելացնելու և 140 ռազմական պարաշյուտ տրամադրելու համար՝ պաղեստինցիներին մարդասիրական օգնություն ուղարկելու համար: Այս մասին հայտարարել է արտգործնախարար Փենի Վոնգը։
Նա ասել է, որ Ավստրալիան կաջակցի «Հորդանանի և Արաբական Միացյալ Էմիրությունների ջանքերին՝ մարդասիրական օգնություն տրամադրելու Գազայի հատվածում խաղաղ բնակիչներին»: C-17A Globemaster ռազմատրանսպորտային ինքնաթիռը կտեղափոխի 140 բեռնատար պարաշյուտային համակարգ՝ «օդային ճանապարհով մարդասիրական օգնության առաքման համար», - նշել է նա։
Ավստրալիայի կառավարությունը հավելյալ 4 միլիոն ավստրալական դոլար (2,6 միլիոն դոլար) կտրամադրի ՄԱԿ-ի Մանկական հիմնադրամին (ՅՈՒՆԻՍԵՖ)՝ Պաղեստինյան անկլավում գտնվող կանանց և երեխաներին հրատապ օգնություն տրամադրելու համար և ևս 2 միլիոն ավստրալական դոլար (1,3 միլիոն դոլար) կտրամադրի ՄԱԿ-ի հումանիտար հարցերի և Գազայի վերականգնման ավագ համակարգող Սիգրիդ Կաագին։