Իսրայելի վարչապետ Բենիամին Նեթանյահուն Գերմանիայի կանցլեր Օլաֆ Շոլցի հետ հանդիպումից հետո ասել է, որ պատրաստ է հետաձգել իսրայելական պաշտպանության բանակի նախօրոք հայտարարված հարձակումը Գազայի հատվածի Ռաֆահի վրա, քանի դեռ խաղաղ բնակիչները գտնվում են «թակարդում», հայտնում է DW-ն։
Ինչպես նշում է AFP-ն, հանդիպման ժամանակ կանցլերը Իսրայելին կոչ է արել բանակցել «ավելի երկար հրադադարի» մասին։
Իսրայելի նպատակը մնում է «ոչնչացնել Ռաֆահում մնացած ահաբեկչական գումարտակները (ՀԱՄԱՍ-խմբ.)»,- ասել է Նեթանյահուն Շոլցի հետ հանդիպման ժամանակ։ Այնուամենայնիվ, Իսրայելը դա չի անի «քանի դեռ մենք բնակչությանը տեղում ենք պահում»::
Շոլցը նշել է, որ 1,5 միլիոն մարդ այժմ ապրում է ծայրահեղ նեղ պայմաններում այս հատվածի հարավ-արևմուտքում գտնվող քաղաքում և պաշտպանության կարիք ունի: «Ո՞ւր պետք է գնան»: - հարցադրում է արել կանցլերը՝ Իսրայելի վարչապետին մատնանշելով նաև քաղաքացիական զոհերի զգալի թիվը։
Շոլցը նաև մարդասիրական օգնության իրավիճակի զգալի բարելավման մասին է պնդել: «Մենք չենք կարող կողքի կանգնել և տեսնել, թե ինչպես են պաղեստինցիները մահանում սովից», - ասել է նա: «Անհրաժեշտ է շատ ավելի մարդասիրական օգնություն՝ հետևողականորեն և հուսալիորեն»:
