Հայաստանի արտաքին գործերի նախարարության ղեկավարի տեղակալ Մնացական Սաֆարյանը մարտի 19-ին Ազգային ժողովի նիստում՝ Հայաստանի և ԵՄ-ի միջև ստորագրված «Հայաստանի Հանրապետությունում Եվրոպական միության առաքելության կարգավիճակի մասին» համաձայնագրի վավերացման հարցի քննարկման ժամանակ պարզաբանեց՝ արդյոք Թուրքիայի ներկայացուցիչը կարող է միանալ ԵՄ դիտորդական առաքելությանը։
Այսպես, ընդդիմադիր «Հայաստան» դաշինքի պատգամավոր Գեղամ Մանուկյանն ուշադրություն հրավիրեց այն փաստի վրա, որ, ըստ փաստաթղթի, առաքելության կազմում կարող են լինել նաև ԵՄ-ից դուրս երկրների ներկայացուցիչներ։ Միաժամանակ, Հայաստանի կողմից թեկնածուներին հաստատելու մասին կետ չկա։
«Եթե ԵՄ-ին նման հնարավորություն տրվի, ապա առաքելության կազմում կարո՞ղ է դիտորդ լինել, օրինակ, Թուրքիայից կամ, ասենք, Ալբանիայից։ Հայաստանը կարո՞ղ է վերահսկել դիտորդների թիվը»,- հարցրեց Մանուկյանը։
Ի պատասխան՝ Սաֆարյանը հայտարարեց, որ այս հարցում համաձայնությունը ձեռք է բերվում քաղաքական երկխոսության միջոցով։ Այդպես էր, օրինակ, Կանադայի ներկայացուցչի դեպքում։
Բացի այդ, քննարկվում է նաև առաքելության աշխատակիցների թիվը, և դա կողմերի համար պարտադիր կետ է։
