Իսրայելի պաշտպանության նախարար Յոավ Գալանտը մարտի 24-ին պաշտոնական այցով կմեկնի ԱՄՆ։ Այս մասին հայտնել է ռազմական գերատեսչության մամուլի ծառայությունը։

Վաղը պաշտպանության նախարար Յոավ Գալանտը ԱՄՆ պաշտպանության նախարար Լլոյդ Օսթինի հրավերով պաշտոնական այցով կմեկնի ԱՄՆ։ Գալանտը նախատեսում է հանդիպել իր ամերիկացի գործընկեր Օսթինի, պետքարտուղար Էնթոնի Բլինքենի, ԱՄՆ ազգային անվտանգության հարցերով խորհրդական Ջեյք Սալիվանի և այլ բարձրաստիճան պաշտոնյաների հետ:

Կողմերը կքննարկեն Գազայի հատվածում ՀԱՄԱՍ-ի դեմ պատերազմի զարգացումները, Գազայի հատվածում ՀԱՄԱՍ-ի պատանդներին վերադարձնելու ուղղությամբ ձեռնարկվող ջանքերը, մարդասիրական ջանքերն ու տարածաշրջանային կայունությունն ապահովելու համար անհրաժեշտ միջոցառումները։

Գալանտը նաև կընդգծի Իսրայելի և ԱՄՆ-ի պաշտպանական գերատեսչությունների միջև համագործակցության պահպանման և հետագա խորացման կարևորությունը, ինչպես նաև կանդրադառնա ուժերի մեծացման ու տարածաշրջանում Իսրայելի որակական ռազմական գերազանցության պահպանմանը վերաբերող թեմաներին, նշել են ՊՆ-ում։