ՄԱԿ-ի Պաղեստինի փախստականների հարցերով գործակալության (UNRWA) ղեկավար Ֆիլիպ Լազարինին հայտնել է, որ Իսրայելը ՄԱԿ-ին ծանուցել է, որ այլևս հավանություն չի տալու UNRWA-ի ուղեկցորդներով պարենային առաքումներին Գազայի հյուսիս:
«Սա զայրացուցիչ է և կանխամտածված խոչընդոտ է արհեստականորեն ստեղծված սովի ժամանակ կենսական կարևորության օգնություն ցուցաբերելու համար: Այս սահմանափակումները պետք է վերացվեն»,- գրել է Լազարինին X-ի իր միկրոբլոգում։
«Թույլ չտալով UNRWA-ին կատարել իր մանդատը Գազայում, շատ ավելի քիչ ժամանակ կմնա համատարած սովին հասնելու համար, և ավելի շատ մարդիկ կմահանան սովից, ջրազրկումից և անօթևանությունից»,- ավելացրել է UNRWA-ի ղեկավարը:
Անցյալ շաբաթ Իսրայելը հերքել էր UNRWA-ի և Եգիպտոսի մեղադրանքները, թե իրենք արգելափակել են ՄԱԿ-ի գործակալության մուտքը Գազայի հատված։