Իսրայելի նախագահ Իսահակ Հերցոգը հայտարարել է, որ Գազայում պաղեստինյան ՀԱՄԱՍ խմբավորման առաջնորդ Յահյա Սինվարի գերեվարումը կամ սպանությունը որոշիչ գործոն է պատանդների ազատ արձակման հարցում, հայտնել է Times of Israel-ը։

«Ի վերջո, ընտրություն չկա, մենք պետք է շարունակենք կռվել, մենք պետք է Սինվարին բռնենք ողջ կամ մեռած, որպեսզի կարողանանք տեսնել պատանդների տունդարձը։ Սա է իրականությունը, և աշխարհը պետք է նկատի ունենա. ամեն ինչ սկսվում և ավարտվում է Սինվարով: Հենց նա է որոշել սկսել հոկտեմբերի 7-ի ջարդը, նա է ձգտել  թափել անմեղների արյունը, նա է ձգտում բորբոքնել ամբողջ տարածաշրջանը, ոչնչացնել Ռամադանը, նա ամեն ինչ անում է, որ այստեղ և ամբողջ տարածաշրջանում ոչնչանա համակեցությունը, ստիպում մեզ կռվել միմյանց և ամբողջ աշխարհի հետ: Նա է ձգտում ահաբեկչություն սանձազերծելուն, և ամբողջ աշխարհն ու տարածաշրջանը պետք է իմանան, որ միակ պատասխանատուն նա է, և նա դա չի մարսի։ Մենք նրան թույլ չենք տա»,- ընդգծել է Իսրայելի նախագահը։