Անցած 24 ժամվա ընթացքում իսրայելական ուժերը զանգվածային հարձակումներ են իրականացրել Ռաֆահի վրա, ինչի հետևանքով քաղաքում սպանվել է 24 մարդ, հիմնականում կանայք և երեխաներ, հայտնում է Al Jazeera-ն:

Հարվածների հետևանքով վիրավորները տեղափոխվել են Աբու Յուսեֆ ալ Նաջար հիվանդանոց և Քուվեյթի հիվանդանոց: Միևնույն ժամանակ, լրատվամիջոցը նշում է, որ տուժածները հաճախ մի քանի ժամ մնում են առանց օգնության, մինչև բժիշկը կամ բուժանձնակազմը կարողանա օգնել նրանց։

Գազայի կենտրոնում իսրայելական ուժերը հարվածներ են հասցրել Բուրիջ ճամբարին, ինչի հետևանքով զոհվել է հինգ մարդ: Մի քանի վիրավորներ տեղափոխվել են Ալ-Աքսայի նահատակների հիվանդանոց, որը նույնպես ծանր վիճակում է գտնվում դեղորայքի ու բուժանձնակազմի բացակայության պատճառով։