Հնդկաստանի հյուսիսում գտնվող լեռներում 10 մարդ է զոհվել, երբ տաքսին ընկել է կիրճը։ Այս մասին հայտնել է Ջամու և Քաշմիրի հնդկական միության երկրամասի ոստիկանությունը, որտեղ տեղի է ունեցել վթարը։

Ողբերգությունը տեղի է ունեցել Ջամու-Սրինագար ազգային մայրուղու Ռամբանի շրջանում։ Նախնական տվյալներով՝ տաքսու վարորդը եղանակային վատ պայմաններում կորցրել է կառավարումը։ Ավելի վաղ օդերևութաբանները զգուշացրել էին, որ Ջամուում և Քաշմիրում սպասվում է անձրև կամ ձյուն և ամպրոպ: Վթարի վայրում աշխատում է փրկարարների խումբը։