Արդարադատության միջազգային դատարանը իրավական պարտադիր վճիռ է կայացրել, որով Իսրայելից պահանջվում է ավելի շատ անցումներ բացել դեպի Գազայի հատված, որպեսզի սովահար պաղեստինցիները կարողանան ավելի շատ մարդասիրական օգնություն ստանալ:
Հաագայի դատարանի որոշումն Իսրայելին պարտավորեցրել է ձեռնարկել «բոլոր անհրաժեշտ և արդյունավետ միջոցները»՝ ապահովելու «անհրաժեշտ հիմնական ծառայությունների և մարդասիրական օգնության» անհապաղ առաքումը, ներառյալ սնունդը, ջուրը, վառելիքը և դեղորայքը:
Դատարանը նաև Իսրայելից պահանջել անհապաղ միջոցներ ձեռնարկել «ապահովելու համար, որ իր զինվորականները չկատարեն այնպիսի գործողություններ, որոնք խախտում են Գազայում պաղեստինցիների իրավունքները՝ որպես խմբավորում, որը պաշտպանված է «Ցեղասպանության հանցագործությունը կանխելու և պատժելու մասին» կոնվենցիայով, այդ թվում՝ անհապաղ անհրաժեշտ մարդասիրական օգնության առաքման ցանկացած գործողություն խոչընդոտելու միջոցով»:
Դատարանն Իսրայելին պարտավորեցրել է մեկ ամսվա ընթացքում զեկուցել, թե ինչպես է կատարում այդ հրամանները։
Իսրայելը դեռ չի մեկնաբանել դատարանի որոշումը, սակայն կտրականապես հերքել է ցեղասպանություն իրագործումը ՀԱՄԱՍ-ի զինյալների դեմ իր մոտ վեցամսյա պատերազմում և ՄԱԿ-ի դատարանին կոչ է արել նոր հրամաններ չարձակել։
