ԱՄՆ նախկին նախագահ Դոնալդ Թրամփը պաշտպանում էր Իսրայելի պաշտպանական պատերազմը ՀԱՄԱՍ-ի դեմ, բայց կոչ է արել վերջ տալ պատերազմին։ Այս մասին նա հայտնել է Israel Hayom իսրայելական թերթի հարցազրույցում։
Հարցազրույցը տեղի է ունեցել նրա Մար-ա-Լագո կալվածքում (Ֆլորիդայի նահանգ, Փալմ Բիչ)։ Հիմնականում քննարկվել են պատերազմը Գազայի հատվածում, ԱՄՆ նախագահ Ջո Բայդենի գործողություններն այդ ֆոնին, որոնք Թրամփը քննադատել է, եւ հաջորդ քայլերը, որոնք, քաղաքական գործչի կարծիքով, պետք է ձեռնարկել։
«Դուք պետք է վերջ դնեք պատերազմին։ Դուք պետք է դրա վերջը դնեք։ Դուք պետք է անեք դա, եւ ես վստահ եմ, որ դուք դա կանեք։ Մենք պետք է հասնենք խաղաղության։ Մենք չենք կարող թույլ տալ, որ դա շարունակվի»,- ասել է նա։
Թրամփի կարծիքով՝ Իսրայելը պետք է շատ զգույշ լինի, որովհետեւ երկիրը կորցնում է աշխարհի մեծ մասի աջակցությունը։
«Դուք պետք է վերջ դնեք, կատարեք աշխատանք եւ շարժվեք դեպի խաղաղություն։ Դուք պետք է շարունակեք նորմալ կյանքն Իսրայելի եւ մնացած բոլորի համար»,- ավելացրել է նախկին նախագահը։
