ԱՄՆ-ը գտնվում է բարձր զգոնության մեջ և պատրաստվում է իրանական հնարավոր հարձակման տարածաշրջանում իսրայելական կամ ամերիկյան օբյեկտների վրա՝ ի պատասխան Սիրիայում Իրանի դեսպանատան վրա Իսրայելի հարձակմանը, հայտնում է Reuters-ը՝ վկայակոչելով ամերիկացի պաշտոնյային։
«Մենք, անկասկած, չափազանց զգոն ենք», - ասել է պաշտոնյան՝ հաստատելով CNN-ի հաղորդագրությունը, որում ասվում է, որ հարձակումը կարող է տեղի ունենալ հաջորդ շաբաթ:
ԱՄՆ նախագահ Ջո Բայդենը հինգշաբթի հեռախոսազրույցում քննարկել է «Իրանի սպառնալիքը»՝ Իսրայելի վարչապետ Բենիամին Նեթանյահուի հետ։
«Այդ ժամանակից ի վեր մեր թիմերը կանոնավոր և շարունակական կապ են պահպանում: Միացյալ Նահանգները լիովին աջակցում է Իսրայելի պաշտպանությանը Իրանի սպառնալիքներից», - ասել է Բայդենի վարչակազմի բարձրաստիճան պաշտոնյան: