News
Լրահոս
News
Չորեքշաբթի
Մայիս 22
Տեսնել լրահոսը

Իշխանությունների վարած տնտեսական քաղաքականությունը որևէ լուրջ արդյունք չի արձանագրում տնտեսական ոլորտում՝ Արևմուտքի համար Հայաստանի տնտեսությունը շարունակում է մնալ անհետաքրքիր։ Այս մասին ֆեյսբուքյան իր էջում գրել է «Ապրելու երկիր» կուսակցության համահիմնադիր Մեսրոպ Առաքելյանը։

«Սա 2023թ. օտարերկրյա ուղղակի ներդրումների ծավալն է՝ ըստ երկրների։

Ակնհայտ է, որ նույնիսկ իշխանությունների վարած արևմտամետ քաղաքականության, Արևմուտքի համար Հայաստանի տնտեսությունը շարունակում է մնալ անհետաքրքիր։

Հայաստանում տարեկան կատարվող օտարերկրյա ուղիղ ներդրումների ամբողջ ծավալը արևմտյան մեկ լուրջ ընկերության ներդրման ծավալին էլ չի հասնում։

Փաստացի, իշխանությունների վարած տնտեսական քաղաքականությունը որևէ լուրջ արդյունք չի արձանագրում տնտեսական ոլորտում։

Հատկանշական է, որ արևմտյան երկրները շարունակում են ակտիվ ներդրումներ կատարել Ադրբեջանում, որը ներդրումների գրավչության տեսանկյունից հեռու է արևմտյան չափանիշներից։

Օտարերկրյա ներդրումները վաղուց դարձել են միջազգային հարաբերությունների բաղկացուցիչ մաս և Հայաստանի արձանագրած ցուցանիշները խոսում են այն մասին, որ իշխանությունները որևէ ոլորտում չեն կարողանում որակյալ հարաբերություններ հաստատել միջազգային գործընկերների հետ»,- նշել է Առաքելյանը։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ