Պատրաստ եմ, ձեռքերս բաց է, թող կալանավորեն ինձ, դրանից երկիրը կփոխվի՞: Այս մասին, այսօր՝ մայիսի 9-ին, լրագրողներին ասաց Բագրատ Սրբազանը՝ անդրադառնալով տարածվող լուրերին, թե հնարավոր է իրեն կալանավորեն։
«Տեղյակ չեմ անկեղծ, ինձ շատ տեղեկութուն էլ չեն տալիս, ես հեռախոս էլ չունեմ»,- ասաց նա։
Հիշեցնենք, որ «Տավուշը հանուն հայրենիքի» շարժման երթը Բագրատ Սրբազանի առաջնորդությամբ հասել է Երևան։
Հայաստանի և Ադրբեջանի միջև Տավուշում սկսված սահմանազատման և սահմանագծմանը անհամաձայնություն հայտնած տավուշցիները նախ փակել էին միջպետական ճանապարհը, ապա որոշում կայացվեց երթով շարժվել դեպի Երևան։
Երթը առաջնորդում է Տավուշի թեմի առաջնորդ Բագրատ Սրբազանը։
Այսօր`մայիսի 9-ին, ժամը 16-ին երթի մասնակիցները հավաքվելու են Հանրապետության հրապարակում։
