Ես ոչ մի վատ բան չեմ տեսնում այն բանում, որ տնտեսական աճը ձեռք է բերվում վերաարտահանման միջոցով: Այս մասին մայիսի 14-ին Երևանում Վերակառուցման և զարգացման եվրոպական բանկի տարեկան ժողովի շրջանակում լրագրողների հետ զրույցում ասաց ՀՀ ֆինանսների նախարար Վահե Հովհաննիսյանը։ Եթե այս գործոնը չլիներ, ապա աճն ավելի համեստ կլիներ, կարծում է նա։
«Խաղաղության խաչմերուկի մասին խոսելիս նկատի ունենք նաև այս կամ այն ուղղությամբ վերաարտահանման հնարավորությունը»,- նշեց Հովհաննիսյանը։ Նրա խոսքով՝ Հայաստանի տնտեսության աճի ներուժը սովորաբար գնահատվում է 5,5-6 տոկոս: Այս գնահատականները կարող են փոխվել՝ կախված արտաքին գործոններից, ասաց նախարարը։
Նա վստահեցրեց, որ 2 տարվա ընթացքում կառուցվածքային փոփոխությունների, ներդրումների, աջակցության ծրագրերի, տարբեր ոլորտների զարգացման արդյունքում Հայաստանի տնտեսության աճի ներուժն մեծացել է։
Հովհաննիսյանն արդարացի համարեց կառուցվածքային տեսակետից տնտեսական աճի խնդրի վերաբերյալ քննադատությունը։
«Մենք պետք է ուշադրություն դարձնենք նաև աճի որակին։ Իսկ եթե այս հարցում խնդիրներ կան, ապա պետք է համապատասխան քաղաքականություն վարել, ինչն էլ արվում է»,- ընդգծեց նա։