News
Լրահոս
News
Կիրակի
Հունիս 23
Տեսնել լրահոսը

Համեմատաբար ոչ մեծ ժամանակահատվածում Հավաքական անվտանգության պայմանագրի կազմակերպությունը (ՀԱՊԿ) կայացել է որպես հեղինակավոր բազմապրոֆիլ կառույց, որն արդյունավետորեն լուծում է իր վրա դրված խնդիրներն իր պատասխանատվության գոտում։ Այս մասին նշվել է ՌԴ ԱԳՆ հայտարարությունում՝ պայմանագրի ստորագրման 32-ամյակի առիթով։

Գերատեսչությունում հայտնել են, որ փաստաթուղթը կարեւոր կայունացնող դեր է խաղացել հետխորհրդային տարածքում բուռն աշխարհաքաղաքական փոփոխությունների պայմաններում եւ ցայսօր մասնակից պետությունների անվտանգության ապահովման, տարածաշրջանում խաղաղության եւ կայունության պահպանման առանցքային բաղադրիչն է։

«ՀԱՊԿ-ը նպատակ ունի ընդլայնել արտաքին կապերը, փոխադարձ հետաքրքրություն ներկայացնող ուղղություններում միավորել երրորդ երկրներին եւ միջազգային կազմակերպություններին, որոնք գործում են անվտանգության ոլորտում, այդ թվում դիտորդների եւ գործընկերների կարգավիճակով»,- նշել են ՌԴ ԱԳՆ-ում։

Գերատեսչությունում ավելացրել են, որ ՀԱՊԿ շրջանակում դաշնակցային փոխգործակցության հետագա զարգացման հեռանկարները, նրա հնարավորությունների բարձրացումը եւ անդամ պետությունների անվտանգության մարտահրավերների եւ սպառնալիքների չեզոքացման միջոցները նախատեսվում է քննարկել պաշտպանության նախարարների խորհրդի, ԱԽ քարտուղարների կոմիտեի եւ արտգործնախարարների խորհրդի՝ 2024թ. մայիս-հունիսին Ղազախստանում կայանալիք նիստի ընթացքում։

Կառույցի անդամ պետությունները, առաջնորդվելով ՀԱՊԿ Հավաքական անվտանգության ռազմավարությամբ մինչեւ 2025թ. շրջանի համար, հետեւողականորեն ընդլայնում են դաշնակցային փոխգործակցությունը, նշել են ՌԴ ԱԳՆ-ում։ Դաշնակիցները հատուկ ուշադրություն են նվիրում կազմակերպության ուժային պոտենցիալի ամրացման, մարտական պատրաստվածության հարցերին եւ ՀԱՊԿ Հավաքական ուժերի զորակազմերի գործողությունների համակարգմանը։ Ըստ ՀԱՊԿ խաղաղարար բաղադրիչի զարգացման՝ ձեւավորվում են անհրաժեշտ պայմաններ, որպեսզի կազմակերպությունն ընդգրկվի ՄԱԿ խաղաղարար գործողություններում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԱՊԿ-ից Հայաստանի դուրս գալու ընթացակարգը Ալմաթիում նախարարների խորհրդում չի քննարկվել. Լավրով
Նա նշեց, որ ասոցիացիայի անդամ երկրների արտգործնախարարների խորհրդի...
Երեւանի հանդեպ բոլոր պարտավորություններն ուժի մեջ են մնում. ՀԱՊԿ գլխավոր քարտուղար
Բոլոր պարտավորությունները մնում են ուժի մեջ...
ՌԴ ԱԳՆ-ն մեկնաբանել է ՀԱՊԿ նախարարների խորհրդի նիստին Հայաստանի չմասնակցելը
Մենք հուսով ենք, որ մեր հայ գործընկերները, և մենք մնում ենք դաշնակիցներ, այնուամենայնիվ, կհասկանան, որ...
Հայաստանը խզում է կապերը ՀԱՊԿ-ի հետ՝ չունենալով անվտանգության այլ երաշխիքներ. ՀՀԿ
Նրա խոսքով, Հայաստանի անվտանգության համակարգում իսկապես խնդիրներ կան...
Հայաստանի հնարավոր դուրս գալը ՀԱՊԿ-ից միայն իր վրա կազդի. Կարտապոլով
Բայց փաստն այն է, որ, ցավոք, որոշումը կկայացնի Հայաստանի ներկայիս ղեկավարությունը, որը չի առաջնորդվում հայ ժողովրդի շահերով...
Politico. Բելառուսը զենք է մատակարարել Ադրբեջանին՝ դրանով իսկ դավաճանելով Հայաստանին
Փաստաթղթերը ներառում են Բելառուսի զենքի արտահանման պետական ​​գործակալության նամակները սեփական ռազմարդյունաբերական ընկերություններին ժամանակակից...
Ամենաշատ
Ֆոտոռեպորտաժներ