![](img/news/82/45/38/default.jpg)
«Ազատություն քաղբանտարկյալներին» վանկարկումներով և ցուցապաստառներով մի խումբ քաղաքացիներ հավաքվել էին Երևանի քրեական դատարանի առջև, որտեղ քիչ հետո կմեկնարկի քաղբանտարկյալներ Նարեկ Սամսոնյանի և Վազգեն Սաղաթելյանի գործով դատական նիստը։
Վազգեն Սաղաթելյանի փաստաբան Արսեն Բաբայանը հույս հայտնեց, որ կիրականացվի արդարադատություն։
«Ակնկալում եմ, որ կիրականացվի արդարադատություն և կվերացվի խափանման միջոցը կամ կփոխվի, և կալանքից դուրս կգան։ Միշտ էլ լավատես եմ, դատարանի կանխավարկածով եմ առաջնորդվում, որ դատարանը կիրականացնի արդարադատություն, իսկ այդ դեպքում տղաները ոչ միայն հիմա պետք է ազատվեն, այլև չլինեին ընդհանրապես ազատազրկված»,-լրագրողների հետ զրույցում ասաց փաստաբան Արսեն Բաբայանը։