Ուղղաթիռի վթարի հետևանքով Իրանի նախագահի և արտգործնախարարի մահը դադար է առաջացրել Թեհրանի եւ ՄԱԿ-ի միջուկային ծրագրի հարցով դիտորդական մարմնի բանակցություններում, Reuters-ին տված հարցազրույցում ասել է Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսին։
«Նրանք սգի մեջ են, և ես պետք է հարգեմ դա»,- ասել է Գրոսին՝ ելույթ ունենալով Հելսինկիում միջուկային համաժողովում:
«Բայց հենց այս ամենն ավարտվի, մենք նորից կսկսենք համագործակցել»,- նշել է նա՝ ընդգծելով, որ սա ժամանակավոր ընդմիջում է, որը, հուսով է, կավարտվի մի քանի օրվա ընթացքում։
Գրոսսին նաև ասել է, որ ԱԷՄԳ-ն ծրագրում է շարունակել Իրանի հետ տեխնիկական բանակցությունները, սակայն դրանք դեռ չեն կայացել՝ Էբրահիմ Ռաիսիի և Հոսեյն Ամիր Աբդոլլահյանի մահվան պատճառով։