ՌԴ զորքերը մայիսի 23-ի առավոտյան նորից հարվածներ են հասցրել Խարկովին։ Խարկովի քաղաքապետ Իգոր Տերեխովը տեղեկացրել է, որ քաղաքում մոտ 10 պայթյուն է տեղի ունեցել եւ բնակիչներին հորդորել է մնալ թաքստոցներում։

Մարզական վարչության ղեկավար Օլեգ Սինեգուբովը իր Թելեգրամ-ալիքում գրել է, որ քաղաքին հասցվել է մոտ 5 հարված։ Սինեգուբովը նույնպես բնակիչներին հորդորել է դուրս չգալ ապաստարաններից՝ մինչեւ օդային տագնապի չեղարկումը։

Խարկովի մարզի ղեկավարը տեղեկացրել է հինգ տուժաների մասին։ Գնդակոծության է ենթարկվել քաղաքի քաղաքացիական ենթակառուցվածքը։

ՌԴ զորքերը մշտապես հարվածներ են հասցնում Խարկովին հրթիռներով, կառավարվող ռումբերով եւ դրոններով։ Խարկովի մարզի սահմանամերձ շրջաններում ռուս զինվորականները մայիսի 10-ից հարձակումներ են իրականացնում։