News
Լրահոս
News
Հինգշաբթի
Հունիս 13
Տեսնել լրահոսը

ՄԱԿ գլխավոր քարտուղար Անտոնիու Գուտերիշն այցելել է Միավորված Ազգերի Կազմակերպության Իրանի Իսլամական Հանրապետության մշտական ներայացուցչություն, որպեսզի հարգանքի տուրք մատուցի Իրանի հանգուցյալ նախագահ Էբրահիմ Ռաիսիի եւ արտաքին գործերի նախարար Հոսեյն Ամիր-Աբդոլահիանի հիշատակին, տեղեկացրել է Mehr-ը։

Գուտերիշի հետ միասին մշտական ներկայացուցչություն է այցելել նաեւ նրա տեղակալը՝ Ամինա Մոհամեդը։

Այցի ժամանակ Գուտերիշը գրառում է կատարել հուշագրքում, որը բացվել է ի պատիվ Իրանի հանգուցյալ նախագահի եւ նրա զոհված զինակիցների։

Հիշեցնենք, որ Իրանի նախագահի ուղղաթիռը կործանվել է անցած կիրակի, երբ Էբրահիմ Ռաիսիի գլխավորած պատվիրակությունը վերադառնում էր Իրանի եւ Ադրբեջանի սահմանին հիդրոկայանի բացման արարողությանը։

Կործանված ուղղաթիռում, նախագահից բացի, գտնվում էին նաեւ արտաքին գործերի նախարար Հոսեյն Ամիր-Աբդոլահիանը եւ մի շարք բարձրաստիճան պաշտոնյաներ։ Ուղղաթիռում գտնվողները բոլորը զոհվել են։

!
Այս նյութը հասանելի է նաև   Русский
Տպել
Ամենաշատ