Վերականգնված Աստվածամոր տաճարը այցելուների համար կբացվի 2024 թվականի դեկտեմբերի 8-ին։ Այս մասին հայտարարել է Ֆրանսիայի նախագահ Էմանուել Մակրոնը՝ ելույթ ունենալով Բեռլինում Գերմանիայի սահմանադրության 75-ամյակին նվիրված միջոցառմանը։
«Դեկտեմբերի 8-ին մենք կվերաբացենք Աստվածամոր տաճարը, և բոլորը կկարողանան այցելել այն»,- ասել է Մակրոնը։
Ավելի վաղ Le Parisien թերթը հայտնել էր, որ Նորմանդիայում վարպետների կողմից վերջերս վերականգնված մետաղյա խաչը հրդեհից հինգ տարի անց տեղադրվել է Աստվածամոր տաճարի տանիքին։
2019 թվականի ապրիլի 15-ին հրդեհ էր ծագել Նոտր Դամի ծայրաձողի մասում։ Կրակը ոչնչացրել էր տանիքը, հրդեհը շարունակվել էր ավելի քան 15 ժամ։ Մակրոնը կարգադրել էր վերականգնել տաճարը, որի առաջին քարը դրվել է 1163 թվականին։ Դարեր շարունակ այս ճարտարապետական հուշարձանը պահպանել է Փարիզի ամենահայտնի շինություններից մեկի կարգավիճակը։ Տաճարում վերականգնողական աշխատանքների լիակատար ավարտը նախատեսված է 2029-2030 թվականներին։
