Երեւանում, «ԱրմենՏել» ընկերությունը (ապրանքանիշը` Beeline) ԱՊՀ երկրների եւ Վրաստանի լրագրողների եւ բլոգերների համար կազմակերպել է «ՎիմպելԿոմ Լթդ»-ի կողմից անցկացվող ամենամյա համաժողովը` «Տեխնոլոգիաները եւ հեռահաղորդակցությունը լրատվամիջոցներում» խորագրով:

«ԱրմենՏելի» մամուլի ծառայությունից NEWS.am-ին հայտնում են, որ համաժողովի ծրագրում ներառված են հայտնի բլոգեր, գրող, հաղորդավար Լեոնիդ Կագանովի (lleo) ելույթը` «Ստեղծագործող անհատականությունը` ցանցում. ռիսկերը եւ հնարավորությունները» թեմայով: Իրենց զեկույցներն են ներկայացրել nomobile.ru ծրագրի ղեկավար, «Итоги» հանդեսի բարձր տեխնոլոգիաների բաժնի վերլուծաբան Նիկոլայ Տուրուբարը, «Ведомости» թերթի լրագրող Քսենիա Բոլեցկայան եւ ComNews Research-ի  վերլուծաբան Մարինա Կորոբկովան:

«ՎիմպելԿոմ Լթդ»-ի ԱՊՀ երկրներում Հասարակայնության հետ կապերի վարչության ղեկավար  Արտյոմ Մինաեւը համաժողովի բացմանն իր ողջյունի խոսքում նշեց. «Յուրաքանչյուր տարի հեռահաղորդակցության շուկան ողողվում է նորույթներով, եւ հաճախ նույնիսկ օպերատորներն են դժվարվարանում կողմնորոշվել կապի ժամանակակից ծառայությունների տեսականու նեջ եւ ընկալել միտումները: Այս պայմաններում հատկապես կարեւոր է, որպեսզի լրագրողները հնարավորինս ճշգրիտ, հստակ եւ հասկանալի ձեւով տեղեկացնեն օգտվողներին նոր տեխնոլոգիաների հնարավորությունների մասին: Ամենամյա մեր համաժողովի խնդիրն է իրականացնել փորձի փոխանակում տարբեր երկրների զանգվածային լրատվամիջոցների ներկայացուցիչների հետ, քննարկել հեռահաղորդակցության մասին տեղեկացնելու առաջադեմ եղանակները եւ, իհարկե, հասկանալ, թե ինչպես է փոխվում լրագրության դերը ժամանակակից հաղորդակցության բնագավառում»:

Համաժողովին մասնակցեց Հայաստանի, Վրաստանի, Ղազախստանի, Ղրղզստանի, Տաջիկստանի եւ Ուզբեկստանի խոշոր լրատվամիջոցների ավելի քան 30 ներկայացուցիչ: