Մայրենի լեզվի միջազգային օրվա առթիվ վարչապետ Տիգրան Սարգսյանն այցելել է Օշական, ծաղիկներ դրել Մեսրոպ Մաշտոցի շիրիմին` հարգանքի տուրք մատուցելով նրա հիշատակին:

Կառավարության մամուլի ծառայությունից NEWS.am-ին հայտնում են, որ դպրատանը մարզի դպրոցականների մասնակցությամբ տեղի է ունեցել միջոցառում` նվիրված Մեսրոպ Մաշտոցին եւ հայոց գրերին: ՅՈՒՆԵՍԿՕ-ն 1999 թվականին փետրվարի 21-ը հայտարարել է մայրենիի միջազգային օր: Օրվա կապակցությամբ ողջ հանրապետությունում կազմակերպվել են մայրենիին նվիրված մի շարք միջոցառումներ: