Ավելի քան տասը հազար ամերիկացիներ հնդկաստանցի հեռախոսային խաբեբաների զոհ են դարձել: Խաբեբաները Հնդկաստանից զանգահարել են ԱՄՆ, ներկայացել են իբրեւ պարտքերը գանձողներ եւ պահանջել 300-ից մինչեւ երկու հազար դոլար` սպառնալով ձերբակալել եւ աշխատանքից զրկել:
Առեւտրի դաշնային հանձնաժողովի ներկայացուցիչ Սթիվեն Բեյքերը պատմել է, որ երկու տարվա ընթացքում ավելի քան 20 միլիոն նման զանգեր են կատարվել: Որոշ դեպքերում մարդիկ այն աստիճան են վախեցել, որ համաձայնել են վճարել` իմանալով հանդերձ, որ նման պարտք չունեն:
2010 - 2012թթ. ընթացքում խաբեբաների կողմից տնօրինվող հաշիվներին հինգ միլիոն դոլար է փոխանցվել, հաղորդում է Associated Press-ը` հղում անելով ԱՄՆ-ի Առեւտրի դաշնային հանձնաժողովին:
Վարկերի մասին տվյալները խաբեբաները վերցրել են այն կայքերից, որոնցում ապագա աշխատավարձի գրավադրմամբ վարկեր էին առաջարկվում: Սովորաբար դրանք ոչ մեծ գումարներ են` շատ բարձր տոկոսներով: Սակայն հայտնի չէ, թե խաբեբաներն ինչ միջոցով են տիրացել այդ կայքերում գրանցվողների տվյալներին:
Այդ գործընթացին վերջ է դրվել քալիֆորնիական ընկերության ակտիվներն արգելափակելու միջոցով, որը ներգրավված է եղել խաբեությանը: Սակայն իշխանությունները չեն բացառում, որ դրա նմանատիպ այլ սխեմաներ շարունակում են գործել, գրում է Lenta.ru-ն: